قصة حب حصلت بجد وهتحصل كل يوم لاى حد فينا بس ممكن اللى يختلف فيها النهاية دايما بيكون فى نهاية لاى قصة حب اما سعيدة واما نتهى كانها مكنتش الحكاية ابتدت اول يوم فى الجامعة..
لما مجموعة شباب اصحاب اتفقوا انهم يدخلوا كلية واحدة وفعلا حصل اللى عاوزين وكان معاهم ( احمد) بطل القصة دى وكان معاة كمان (محمد) و (هشام) يلاااا بقى اقولكوا اية اللى حصل ....
دخلوا الثلاتة الصحاب من باب الجامعة اول يوم طبعا احساس جديد وغريب اوى اكيد كلنا جربنا مكان جديد وناس جديدة كمان مش عارفنها بس المهم اننا مع بعض ودة مهون عليهم التجربة.
احمد. بيكلم هشام الكلية دى شكلها من جوة مش زى ما كنت متصورها هشام. يا عم حلوة المهم اننا مع بعض وخلص احمد. اة يلا كويس اى حاجة بقى اهى فترة وهتعدى هو الواد محمد راح فين هشام . مش عارف اهو كان هنا تلقية بيلف لوحدة تعالى نشوفة ودخلو مبنى جديد شكلة كبير اوى مدرج جديد احمد. اية يا عم محمد انت سيبنا وقاعد هنا لية محمد . هنا الجو احسن خلينا قاعدين بقى احمد. على رايك يلا كويس وفى لحظة يدخل بنتين المدرج قدامهم وتيجى عين احمد على واحدةاةةةةةةةةةة يا خرابى على القمر يا نااااااس مين دى ؟ ياعم واحنا نعرف منين ماهو لسة احنا معاك اهو وفضل احمد حاطط عينة عليها طول الوقت بيتفرج على رقتها فى الكلام وصوتها الرقيق اللى زى صوت العصافير وفضل على الوضع شوية بس فجااااااءة
جت مجموعة شباب رخمة اووووووى وبداءت تضيقها هى وصحبتها اية يا عم العسل دة انا لو اعرف ان الكلية فيها حاجات كدا انا كنت خلصت ثانوى من زمااااااااان
هى .بقى لصحبتها تعالى نمشى من هنا شكلهم شباب مش محترم وفى اللحظة اللى هى بتمر فيها من قدامهم اةةةةةةةةةةة واحد من العيال دى بيحط ايدة على ؟؟؟؟؟؟؟ طبعا الشباب عارف
هى وبصوت عالى اية قلت الادب دى انت مش محترم وطبعا الواد رد عليها رد بايخ كل دة وصاحبنا مضايق وفجاءة نزل قدامها وبيكلم الشباب دول احمد. عيب يا رجالة دى بردة زى اختكوا ومينفعش كدا هماااا. يا عم وانت مال ؟؟؟؟؟؟؟ انت خليك فى حالك احمد. انت بتقولى انا كدا وطبعا مع مد الايد من الطرفين وكلة اشترك فى المذبحة ههههههههه بداية مشرفة لحد ما تدخل حرس الجامعة وخدوهم على مكتب العميد.
وطبعا زى ما كلنا عارفين والعادى بتاع البنات انهم وقت الجد بيهربوااا بيطبقوا مثل الجرررى نص المجدعة لا دا هنا المجدعة كلهاااااا
طبعا دخلوا كلهم مكتب العميد ةبيحكوا اللى حصل وهو مضايق وبيقول من اول يوم كدا هو دة التعارف اللى بتتعرفوا بية على بعض احمد . يا فندم اللى حصل وقبل ما يكمل اااااةةةة بيدخل القمر وتستأذن من العميد انها تحكى الى حصل ومن هنا عرف صاحبنا اسمهااااااا (ملك) اسم فى منتهى الرومانسية ...... المهم........
فهم العميد الوضع وخلصت الحكاية على خير الحمد لله وخرجت ملك وخرج وارها احمد علشان يعمل حجة ويروح يشكرهااااا
موضوع: رد: قصة أحمد وملك (منقول) 2010-03-05, 23:48
.....الجزء الثانى .... طبعا كلنا فاكرين كويس احنا وقفنا فين فى الجزء الاول .نكمل بقى.... وفجاءة ااااااااااة .شاف ان فى اتنين شباب مستنين برة وبيتكلموا معاهم وشاف ملك بتكلم واحد فيهم ومشيت معاة طبعا ساعتها حصلتلة حالة صدمة معقول الملاك دة يكون فى حد فى قلبة ولا يكون هو دة حبيبها ياااا خسارة بقى هى كدا ومين اللى معاها وبيضحكوا يا خسارةةوخرج من الكلية حزين اوى ووصل مشى لحد بيتة وطول الطريق بيفكر فيها دخل البيت وهو مش بيكلم اى حد وكل اللى فاكرة المشهد دة وياترى مين الواد دة. ودخل اوضتة وقفل على نفسة الباب وقعد يفكر لحد ما سمع صوت صاحبة هشام بيندة علية هشام -: اية يا عمنا قاعد فى الظلمة كدا لية احمد -: اسكت يا هشام انا مضايق هشام :- مضايق لية مالك احمد :ياعم البنت اللى اتخنقنا علشانها فى الكلية النهاردة الصبح انت ما شفتهاش وهى ماشية مع الواد اللى كان مستنيها هشام :- طيب وانت زعلان لية احمد :- مش عارف يا هشام دى من ساعة ما شوفتها وانا متحير والله يا هشاااام مانا عارف انا بجد حاسس انها تهمنى اوى هشام : طيب تعالى بس نخرج نفوت على محمد ونخرج نتمشى وسيبها بقى للظروف اكيد يعنى ها تتحل .
... وخرجوا وفاتو على صاحبهم الثالت ونزلوا على الكافية الى متعودين يقعدوا فية
...وفى لحظة كدا... احمد:: هشام هشام بص كدا بسرعة هشام : اية يا ياااااد فى اية مالك احمد البنت بتاعت الكلية اهى هى وصاحبتها هشام . اةةةة يا ترى رايحين فين احمد:- يمكن بيتها قريب من هنا ولا حاجة انا هاامشى ورها واعرف هشاااام :- يا عم انت مجنون تقول علينا اية البنت احمد :- تقول زى ما تحب انا عاوز بتها وخلاص محمد :- يا عم احمد اهدى شوية وانت ها تستفيد اية يعنى لما تعرف بتها احمد : انا رايح وخلاص عاوزين تيجوا معايا تعالو مش عاوزين انا هااروح لوحدى لالالالا ازاى نسيبك لوحدك مش ممكن ابوها ينزل يضربك هههههههههههههه احمد: انتوا بتهزروا يلا بسرعة وراهاااا
وفضلوا طول الليل يا حرام يلفوا ورها لحد ما عرفوا بتها فى الاخر بعد ما داخو من اللف لكن هى اخدت بالها منهم كويس انهم ماشين وراها
وفضل احمد مستنى يوم المحاضرة الجاية علشان يشوفها دخلوا الكلية الثلاتة وكل همهم انهم يشفوها فين . ودخلوا اول محاضرة لهم . لكن طول الوقت كان احمد بيدور عليها بعنية وسط الناس كلها لحد ما شفها وطول المحاضرة بيبصلها حتى هى اخدت بالها ان باصص عليها اوى وخلصت المحاضرة بسرعة خرج يجرى وراها لكن بردة حصل اللى كان خايف منة وشاف نفس الشاب اللى كان معاها المرة اللى فاتت مستنيها برة وقف احمد مكانة ومن جواة عاوز يروح ويقولها انة مش عارف اية اللى حصلة من اول مرة شافها معقول يكون بجد فى حاجة اسمها حب من اول نظرة ولا دة كلام افلام احمد واخد بالة انها بتكلم الواد دة علية وشايفها بتبص نحيتة ولما خرج اصحابة وهما ماشين من قدامها سمع احمد صوت الشاب دة بيندة عليهم اةةةةةةةةةةةةةة ربنا يستر يا ترى فى اية
موضوع: رد: قصة أحمد وملك (منقول) 2010-03-05, 23:51
---الجزء التالت--- خرج احمد من باب المدرج واول ما شفها واقفة مع نفس الشاب طبعا ياحرام الدموع كانت ها تنزل من عنية وبصلها بنظرة حزن وحط وشة فى الأرض.. هى فى الوقت دة كانت بتكلم اللى واقف معاة دة عن احمد وكانت بتبص علية خرج محمد وهشام اصحاب احمدوهما ماشين من قدامها سمعوا صوت اللى واقف معاها دة بيقول,,, لو سمحتوا يا شباب.. ( طبعا احمد من جوااااة بيقول استر يا رب) احمد:- ايوة يا كابتن فى حاجة؟؟ هو :- لا خير بأذن الله انا بس كنت عاوز اشكركوا هشام:- تشكرنا على اية يا برنس هو :- انا عاوز اشكركوا على اللى عملتوة مع بنت خااااالتى طبعا صاحبنا اول ما سمع الكلمة دى من جواااااااة كان بيرقص ياااااااااااااااااااااااااة اد اية الجملة دى شالت هم كبير من جواااة بقالة كام يوم بيفكر فية كدا الحمد لله استريح شوية واطمئن المهم..... احمد:- ( وبكل رومانسية وحنية كداا) لا والله احنا معملناش غير الواجب واى حد مكانا اكيد كان ها يعمل كدا ( طبعا بقى بيترسم قداااااام البنت ) محمد:- طيب احنا متشرفناش باسمك انا اسمى مصطفى معاكو فى الجامعة هنا بس فى كلية ادااب احمد:- ماشى يا صاصا انا اسمى احمد ودة هشام ودة محمد مصطفى:- انا متشكر لكوا جدا واتمنى نبقى اصحاب اكيد يا صاصا هانبقى احنا خلاص اصحاب ومشى مصطفى ومشيت معااة (ملك) احمد:- ياااااااااااة طلعت بنت خالتة الحمد لله ياااااارب هشام:- يلا يا عم ابسط مش قولتيلك سيبها على الله وهاتفرج احمد:- ايوة يا صاحبى انت مش عارف اد اية انا ارتحت اوى اوى محمد:- طيب يا احمد فى مشكلة احمد:- مشكلة ؟ مشكلة اية بقى محمد:- مش يمكن هو ابن خالتها بس بردة تربطة بيها قصة حب مثلا او ها يخطبها احمد:- تصدق بالله ياد انت ما بيجيش من وراك غير الغم طيب كنت سيبنى شوية ارتاح من الهم ال انا كنت فية انا كدا طلعت من حفرة لحفرة اكبر هشام:- بص يا احمد انت مش ها تنفع بالطريقة دى دانت بتحبها بقى يا برنس احمد:- اةةةةةةةة بحبها والله انا نفسى اشوفها كل ثانية وكل دقيقة وكل لحظة دانا نفسى اروح انام تحت البيت عندهم هشاااام:- بس بس دانت شكلك لسعت خااالص علية العوض ومنة العوض فى فيك ههههههههههههههههههه احمد:- طيب والحل اية يا كبير محمد وهشام فى نفس الصوت مفيش غير حل واحد احمد:- اية هووووو انطقوااا الحل الوحيد انك تروح وتكلمها وتقولها احمد:- اكلمهااا طيب ازاى بس هشام :- يا عم زى الناس ما بتتكلم احمد :- طيب مش اعرف الاول هى مرتبطة ولا لا اةةةةةةة عندك حق هشام:- سيب بقى الموضوع دة عليا انا احمد:- ها تعمل اية يا عبقرى زمانك هشام:- هااقولك يا صاحبى انت مختش بالك من البنت اللى بتمشى معاها دى احمد:- اة مالها دى بينا هشام:- انا هااعمل اى حوار كدا وادخل اتعرف عليها وبطريقة حلوة كدا هااعرفلك منها ان كانت مرتبطة ولا لا محمد:- يا هشااااااام يا روش والله يا بنى انت اللى فيا ( طبعاا كلة اشتغالات لحد ما يجبلهم اللى عاوزينة) وروح احمد البيت ونام على السرير وباصص لفوق كدا وكل اللى فى خيالة اجمل ملاااااك شافتة عنية واجمل ابتسامة ارتسمت على اجمل شفايف فى الدنيا ونظرة عنيها اللى بتسحر وتدوخ من غير كلام كل وصوتها الرقيق وفضل يقول لنفسة يا ترى لو طلعت مرتبطة انا هاايبقى حالى اية معقولة كدا تكون قدامى ومقدرش اكلمها حتى ولو كلمة ..... وعدى يومين وكانهم سنتين علية ..... ....ويوم المحاضرة الجاية..... دخلت ملك هى وصاحبتها وطبعا احمد كان واقف وماسك فى ايدة التيلفون وبيرن على واحدصاحبة واول ما شفها نسى انة بيرن على حد لدرجة ان اللى بيكلمة احمد فتح علية وفضل يكلم نفسة لحد ما رصيد احمد خلص هههههههههه وبعدين بص لهشام كداوقالة, هشام . ايوة يا احمد احمد:- بقولك اية بلاش تكلم صاحبتها فى حاجة هشام :- يا ااااااعم لية بس؟ احمد:- ياعم انا خايف تيجى وتقولى انها مخطوبة او مرتبطة مش عارف اية اللى ها يحصلى وقتها انا دلوقت بقدر حتى ابص فى عنيها وارسم احلااااام فى خيالى مين عارف وقتها ممكن اتحرم حتى انى ابص عليهااا هشام:- يا حرااااااام دانت غلبان اوى ما تخفش بأذن الله ها يحصل خير احمد:- ياااااارب وجت الفرصة الى هشام مستنيها وكانت البنت لوحدها مشى هشام نحيتها واحمد مراقبة لحد ما وقف يكلمهاا وفضل احمد حاطط ايدة على قلبة ومستنى هشام يرجع ويقولة اية اللى حصل
موضوع: رد: قصة أحمد وملك (منقول) 2010-03-05, 23:52
الجزء الراااااااابع
زى ما عرفنا فى الجزء اللى فات ان احمد وااااقف فى لحظة حرجة لحظة ها تحكم علية يا اما انة يخسر واحدة حبها من كل قلبة يا ما يسمع خبر يفرحة خلينااا نروح ونشوف حااال ( احمد ) واية احساسة دلوقت يلااااااا بيناااا بعد ما هشام وقف مع صاحبة (ملك) احمد حصلتلة حالة غريبة واقف مش على بعضة وكانة ها يسمع حكم الاعدام وايدية بتترعش وقلقاااان وفجاءة دخل علية صاحبة محمد محمد:- اية يا احمد مالك ياد لونك اصفر كدا فى اية احمد:- ( ومش عارف يجمع جملة مفيدة) اصل هشام راح يكلم البنت وووووو محمد:- بس يا احمد ما تكملش اية يا بنى مالك انت لو فضلت كدا كمان شوية ممكن تموت تعالى نقعد على الكافتيرا ونستنى هشام هناك على ما يجى احمد:- لالالا يا محمد انا مش قادر امسك نفسى وخايف موت من اللى هااسمعة انا مروح محمد:- يا بنى استنى بس انت ماالك مرعوب كداااا احمد:- معلش يا محمد انا ماشى مش قادر اتحمل اكتر من كدا ومشى احمد وروح وزى كل يوم فى اوضتة نايم بس المرة دى عمال بيتخيل حاجات غريبة وبسال نفسة ) لو هشام رجع وقالى انها بتحب ان خالتها هااعمل اية لالالا مش ممكن دا ممكن يجرالى حاجة ومن جوة قلبة قال يارب انت عارف ضميرى ليها استرها معايا بقى)
مر يجى 3 ساعات لا دول كانو 3 سنين وفجاءة سمع احمد صوت هشاااام و محمد بيندة علية نط احمد وجرى على الباب وشد ايد هشاااااااام ادخل بسرعة احكيلى اية اللى حصل هشاام:- اية يا عم ها تكسر ايدى بالراحة عليا شوية احمد:- بالله عليك انطق مش قادر استنى اكتر من كدا هشام :-( حط وشة فى الارض كدا) ومحمد كمان احمد:- اية ملكواااا اتكلمووووا خلاص طلعت مخطوبة خلاص مش ليا لحد غيرى مين مصطفى ولا واحد تانى ( وفى اللحظة دى نزلت دمعة بجد من عين احمد) هشااام :- احمد انت بتعيط بجد ما تخفش ياد احنا بنهزر معاك احمد:- ( وانتبة لهشام اوى) بتتكلم بجد يا هشام محمد:- ايوة يا احمد اطمئن احمد:- منكولله وقعتوا قلبى اتكلم يا هشام اية الى حصل ( ونسمع بقى اللى حصل مع هشااام من اول ما دخل يكلم صاحبتها) هشام:- سلاام عليكم يا ا نسة هى :- وعليكم السلام ورحمة الله وبركاتة هشام:- لو سمحتى يا انسة كنت عاوز اخد من وقتك دقيقة واحدة بس لو سمحتى هى :- ممكن اتفضل اتكلم هشام:- بصراحة انا جاي اكلمك فى موضوع يخص صحبتك ملك هى:- ملك اية ملها ملك هشام:- الاول ممكن اعرف منك حاجة بس هو انتى اسمك اية الاول بس (انا اسماء) هشام:- عاشت الاسامى يا اسماء قوليلى بقى الاول هى ملك مرتبطة بحد اسماء:- واية يعنى سبب السؤال دة هشام:- ها تعرفى السبب لما تجوبينى اسماء:- لا مش مرتبطة هشام:- ولا فى حياتها حد اسماء :- لا بردة هشام:- طيب الحمد لله اسمعينى بقى .... طبعا انتى فاكرة الشاب الى تخانق علشان ملك اسماء:- اة طبعا فاكراة مش اسمة احمد هشام:- ايوةةةة احمد اهو احمد دة يا ستى دلوقت قايم نايم يفكر فى صاحبتك شكلة الواد بيحبها اسماء:- اةةةةةةة يبقى كلام ملك مضبوط لما قالتلى انها ملاحظة انة بيبصلها كتير نظرات مش عادية وكمان لما مشى وراها وانتوا معاة لحد بتها هشام:- يعنى ملك حاسة ان احمد بيحبها اسماء:- هى حاسة انة معجب بيها بس هشام:- طيب يا اسماء ممكن نحاول انا وانتى اننا قرب بين الواد والبنت اسماء:- ههههههههه انت بتهزر ولا بتتكلم بجد هشام:- ضحكتك جميلة اوى بجد( لزوم الشغل اشتغالات يعنى) اسمعينى بس انا مش عاوز غير طلب صغير اسماء:- اية هو الطلب دة لو كان فى ايدى اكيد هااسعدك انت وصاحبك هشام :- انا عاااوز رقم موبايل ملك اسماء: بتقول تيلفونها لا صعب مقدرش لو عرفت ممكن تزعل منى ودى صاحبتى من زمان ومقدرش لالالالالالا مستحيل ادهولك ابداااااا هشام:- طيب بس فكرى دا الواد هاايموت لو مكلمهاش النهاردة ( طبعا صاحبنا مش سهل وفضل يلف ويدور لحد ما اخد الرقم ) هشام:- الحق بقى ابلغ الواد لازمانة ها يموت من الانتظار بس يا عم هو دة اللى حصل احمد:- يعنى بجد معاااااك رقمها بجد هشام :- اةةةةةةة بس مش ها تخدة غير لو عزمتنا على حاجة انا والواد الغلبان دة احمد:- يا عم خد اى حاجة انت عاوزها بس هات الرقم هشام:- خد يا عم الحبيب لتموت ومسك احمد الرقم فى ايدة ومتخيل ملك واقفة قدامة وفكر يكلمها بليل :- ومرت الساعات وجة الوقت اللى احمد مستنية :- وهو بيكتب الرقم ومن خوفة ايدة بتروح على ارقام غلط يااااا حرااااااام ومع كل رنة بيفكر ها يقول اية عمال بيحضر كلاام ويحفظ فية مستنى تقول الو ويبداء يتكلم ويحكى حاسس ان كل حتة فية عاوزة تقولها حاجة قلبة بيدق بسرعة رهيبة وصوت انفاسة عالية اوى وفجااااءة مرة واحدة الخط اتفتح
موضوع: رد: قصة أحمد وملك (منقول) 2010-03-05, 23:53
الجزء الخامس
النهاردة بقى يوم مش عادى فى حياة احمد اول مرة ها يكلم فيها ملك ويسمع صوتها بترد علية محضر كلام كتيييييييييير من يجى اسبوع حاسس بية ومحضرة علشان يقولة لحبيبتة قلبة ماسك احمد التيلفون فى ايدة ودقات قلبة الجيران سمعينها مش عارف يثبت التيلفون مكانة علشان يسمع ومع كل رنة جرس بيزيد قلقة ااااااااااااة الخط اتفتح ملك:- الو //:- الو طبعا صاحبنا شكلة مغمى علية هههههههههههههه هو نفس الصوت اللى بينام يحلم يسمعة احمد:- ملك ملك:- ايوة انا ملك مين بيتكلم احمد:- انا احمد يا ملك اللى معاكى فى الكلية اللى كنت معاكى فى المشكلة اول يوم دراسة ملك:- اةة افتكرت طيب وعاوز اية يا احمد الواااد بيحاول يفتكر اى كلمة من الكلام الى كان محضرة لكن ولا الهواااااااا ابيض يا ورد هههههههههه احمد:- ملك انا بتصل بيكى دلوقت علشان اقولك انى من اول يوم شوفتك فية وانا مش عارف اية اللى جرالى ليل ونهار بفكر فيكى كل ماكان بدخلة شايفك بصورتك وضحكتك كل كلامى عليكى طبعا ملك بتسمع وساكتة احمد:- ملك ملك:- ايوة احمد:- انتى سمعانى ولا لا ملك:- اسمع يا احمد انا عاوزة افهمك حاجة صغيرة بس انا يا احمد مش بفكر ولا هاافكر فى الكلام دة نهائى وياريت ما تحوليش تتصل بيا تانى ولا تكلمنى فى الكلية وانا هااعرف شغلى مع اللى اداتك الرقم وانا عارفة هى مين كويس سلاااااام كل اللى حصل دة وصاحبنا واقف بس متسمر مكانة وباصص قدامة من هول الصدمة كل اللى بيدور فى دماغة فى اللحظة دى ان ازااى ها يقدر يبص فى وش ملك بعد اللى سمعوا دة وقعد احمد مكانة واد ما كان قلبة مليان فرح وسرور انة ها يسمع صوتها دلوقت بقى كلة حزن بيتخيل شكل ملك وهى بتكلمة كدا ومضايقة هو مش زعلان علشان نفسة بس زعلان علشان ضايقها بمكالمتة دى وبيقول لنفسة هااعمل اية بس يا ربى سهر احمد طول الليل كل ما يجى ينام يسمع صوت ملك ويفتكر كلامها يقوم ويقف فى الشباك بردة نفس الحالة صوتها وكلمها مش عاوز يتشال من دماغة وتانى يوم هشام بيندة على احمد علشان يرحوا الكلية وكمان يعرف صاحبة عمل اية هشاام:- اية يا بنى انت لسة نايم احمد:- والنبى تسكت انا مش ناقص هشام :- لية خير حصل اية صحيح قولى قوم اللبس واحكيلى فى الطريق احمد:- انا مش رايح الكلية يا هشام هشام :- لية احمد:- من غير لية هشام:- انت كلمت ملك احمد:- اة كلمتها ويارتنى ما كلمتها دى مسحت بكرامتى الارض وقال لهشام على الكلام هشام:- يا احمد اكيد دة العادى انت اول مرة تكلمها مش معقولة يعنى ها تسلمك قلبها بسهولة من اول مكالمة كدا احمد:- ياعم انا مقولتيش كدا بس المفروض كانت تكلمنى بطريقة حلوة شوية هشام:- طيب بس يلا قوم احمد:- قولتيلك مش رايح هاابص فى وشها ازاى انا هشام :- يا عم يلا والله عادى احمد:- ياعم والله مانا رايح خلاص هشام:- طيب براحتك انا رايح اعدى على محمد ونروح سلاااام احمد:- مع السلامة ومشى هشام وعدى على محمد وراحو هما الجامعة واحمد فضل فى البيت حزين فى الكلية حصل حاجة اسماء صاحبت ملك طبعا كانت مضايقة جدا واول ما شافت هشام اسماء:- كدا بردة يا هشام صاحبتى تزعل منى بسببكوا انت وصاحبك هشام:- لية حصل اية بس اسماء:- ملك عرفت انى اللى اديتكوا الرقم وزعلت منى اوى ومش عارفة ارضيها ازاى هشام:- زعلت امال الواد اللى حرقت دمة ومش عاوز يجى الكلية بسببها دة يعمل اية اسماء:- احمد هشام:- اة احمد مش عاوز يجى يحضر علشان عنية متجيش فى عنيها بعد الكلام اللى زى السم اللى سمعة منها امبارح هشام:- هى قالتيلك هى قالتلوة اية وازاى كسفتة كدا يعنى كانت تجيبها بطريقة حلوة شوية اسماء:- اة والله عندك حق احمد دة شكلة حساس اوى انا هااكلمها واقولها واشوف ردها اية واجى اقولك هشام:- اةة ربنا يكرمك والله يا اميرة انتى هههههههه وراحت اسماء قالت لملك ان احمد مش عاوز يجى الكلية بسببها طبعا البنت حست انها بجد كسفتة اوى ورجعت اسماء لهشام تكلمة وقالتلة يا هشام والله ملك مكنش قصدها تكسفة ولا حاجة بس كانت مضايقة اوى وقتها قول لاحمد ما يزعلش والله خلاص هشام:- طيب والله هااقولة وهو مروح بقى عدى على الحبيب الحزين فى البيت هشام:- ابسط ياعم اهى البنت بنفسها بتقولك ما تزعلش احمد:- انت بتتكلم بجد انت كلمتها هشام :- لا بس صاحبتها كلمتها احمد:- يعنى قالت اية هشام:ياعم بتقول انها كانت مضايقة اصلا وعادى بقى احمد :- طيب خلاص وفااات اسبوع وداخل احمد من باب الكلية شاااف مين بقى ملك واسماء قاعدين سوا حط احمد وشة فى الارض وعدى وراح قعد على الكافتيرا بعيد شوية وقاعد يفكر فيها وحس احمد بايد بتخبط على كتفة اةةةةةةة مفاجاءة يا ترى مين
موضوع: رد: قصة أحمد وملك (منقول) 2010-03-05, 23:53
الجزء السادس
فاكرين اكيد اللى حصل فى الجزء اللى فااات صح
وندخل بقى فى الموووووضوع يلاااااااا طبعا احمد يا حرام عدى من قدام الانسانة اللى قلبة بيدوب فى هواها بس مش قادر حتى يرفع عنية ويبصلها علشان مكسوف من اللى حصل معااااة بس هى اخدت بالها كويس منة وانة كمان لسة زعلان ومكسوف من اللى حصل وبتقول لاسمااااااء ملك:- اسماء انا احمد دة صعبان عليا اوى اسماء:- صعبااااااان عليكى ولا حاجة تانية ملك:- حاجة اية تقصدى اية يعنى اسماء:- انا ملاحظة عليكى بردة فى الكام يوم ان كلامك كتر اوى على احمد دة هو بصراحة الواد يتحب طيب ورومانسى وكمان محترم جداااا ملك:- اسماء انا بصراحة بداءت افكر فية اسماء :- الله عليكى يبقى وقعتى يا جميل ملك :- لا مش اوووووى كدا يعنى هو شكلة بيحبنى اوى بس انا كسفتة اوى اسماء:- طيب اية رايك اروح اكلمة ملك:- تكلمية ازاى انتى مجنونة ولا اية اسماء:- لا متخفيش مش هااجيب سيرتك بس انا هااصلح الموضوع بطريقتى ملك:- لا يا اسماء انتى كدا بتكسفينى بجد يقول علينا اية اسماء :- اطمنى انا مش هااقول ان انتى تعرفى انى رايحة اكلمة ومشيت اسماء وراحت الكافتيرا علشان تكلم احمد طبعا كان صاحبنا حاطط ايدة على خدة وسرحاااااااااااان مرة واحدة حس بايد بتخبط على كتفة كدا التفت احمد ولما شاف اسماء قااام وقف احمد:- اسماء اسماء: ايوة يا احمد اسماء ممكن اقعد معاك ولا فيها حاجة احمد :- لالالالالا اتفضلى اسماء:- احمد انا جاية مخصوص علشان اعتزلك عن اللى حصل من صاحبتى والله مكنتش تقصد تحرجك كدا بس انا كلمتها فى وقت كانت مضايقة فى اوى احمد:- انا والله مش زعلان ولا عمرى هاازعل منها انا بس مكسوف من نفسى قدمها اسماء:- لالالا بجد يا احمد انت طيب اوى وعلشان كدا انا هااقولك ملك بجد ابتدت تحبك احمد:- اية بتقولى اية ووشة جاب الوان اسماء :- هههههههههه اية يا احمد مالك اتخضيت كدا احمد :- لاوالله اصلى مش مصدق نفسى انتى بتتكلمى جد اسماء :- اة والله بجد بس اوعى لو كلمتها تقولها انى قولتيلك كدا كلمها انت النهاردة وانت اكيد ها تحس كدا احمد :- يااااااا انا مش مصدق بجد اسماء :- طيب بعد اذنك بقى اروح اشوفها بتعمل اية دلوقت احمد:- اتفضلى يا احلى صاحبة فى الدنيااااااا وطبعااااا احمد دلوقت فى حالة تسمحلة انة ممكن يطير فوق السمااء ويلمس النجوم معقووووووولة حست بيا لالالالا انا مش مصدق اللى سمعتة دة وطلع يجرى على صاحبة هشام وكان ساعتها قاعد من الجو بتاعتة هههههههههه دخل احمد زى المجنون وشد ايدة وهو قاعد بسرعة هشام :- ايةةةة يا عم انت انت مش شايفنى مشغول انت دايما كابس على نفسى كداااااااا ارحمنى احمد:- انا جى اقولك ان ملك قالت لصحابتها انها هى كمان معجبة بيااا هشام:- بجد ياد ولا انت شارب حاجة ولا اية احمد:- ياعم والله بجد صدقنى هشام:- طيب الحمد لله انا مبسوط بجد ليك يا صاحبى اوى مستنى اية يلا روح كلمها احمد:- انت عاوزنى امشى وخلاص ههههههههههه لالالالالالالا انا مش ماشى وهااكلمها بليل هشام:- ياعم مش انت بالك ارتاح يلا بقى ابعد يا ابن الناس عن حياتى بقى زهقتنى احمد:- بقى كدااااا يا صاحبنى بتبعنى علشان واحدة طيب انا هااخليها تشهد عليك هشام :- خد يااااااد انت رايح فين يا مجنون ههههههههههههههه احمد:- يلا علشان خاطرها بس يلا انا مروح هشام:- مروووح ازاى والمحاضرات يا بنى انت لسة جى احمد:- ياعم هااروح استعد بقى علشان اكلمها بليل بقىى هشام :- اةةةة اللى يسهلوااااااا ماشى وطبعااااا عارفين طبع احمد صاحبنا فضل يحفظ فى كلام تانى وبردة ومن نفس المكان بيتصل على ملك ودى اول مكالمة بجد بينهم يلا نسمعهااااااا ملك:- الو احمد:- ايوة يا ملك ملك:- ايوة مين ( قال يعنى مش عارفة ) احمد:- انا احمد يا ملك ملك:- ايوة احمد:- ملك انتى المرة دى لازم تسمعينى بقى وقعد يفتكر اى كلمة من اللى حفظها لكن للاسف هههههههه احمد:- ملك صدقينى انا ممكن اكون اكتر واحد فى الدنيا دى بحبك انا والله بقالى اسبوع مش جايلى نوم بعد اللى عملتية فيا المرة اللى فاتت ملك:- سكووووووووووت احمد:- انا مش طالب منك يا ملك غير حاجة واحدة بس هو انك تحسى بيا وخلاص حتى لو كفاية عليا اشوفك كل يوم من بعيد لبعيد هااكون اسعد انسان فى الدنيا ساعتها ملك:- احمد انا بجد مش عارفة اصدقك ولا لا احمد:- طيب اخليكى تصدقى ازاى اطلبى منى دلوقت انا واقف فوق سطوح بتنا لو عاوزانى ارمى نفسى موافق ملك:- هههههههههه احمد:- يااااااااااااا اول مرة اسمع ضحكتك وجمالها دة يا خراااااااابى ملك:- اية مالك احمد:- لالالا اصلى مش مصدق نفسى وحاسس انى فى حلم خايف اقوم الاقى نفسى كنت بحلم ملك:- ( طبعا مكسوووفة ) بعد اذنك بابا جى بااااى احمد:- طيب اكلمك تانى بكرة ملك:- اوكى احمد:- سلااااااام يا اجمل وارق واحدة فى الدنيا كلها ( ودى كانت المكالمة كلهاااااا) طبعا بعدها احمد نازل من على السلم وهاين علية يطير ودخل من باب الشقة فرحاااااان ودخل على اوضتة وقاعد قدام الجهاز ومشغل اغنية لمستك نسيت الحياااااااة وانت اللى بحلم اعيش يوم معاااااااة والليلة هى البداية لاجمل حكاية دا عمرى الليلة ابتدىىىى هههههههههه المهم لحظة فى منتهى الرومانسية طبعا هشام واقف برة البيت وعمال ينادى على صاحبنا بس مين دا مش هنااااااا خالص دا فوووووق فوق اوى هههههههه مامت احمد سمعت هشام ودخلتة لاحمد ودخل ووقف ورا احمد من غير ما يحس وراح مفوق صاحبنا بحتت خطة
موضوع: رد: قصة أحمد وملك (منقول) 2010-03-05, 23:54
الجزء السابع
نفتكر مع بعض حالة احمد الرومانسى اللى قاعد وعمرو مصطفى بقول اللى احمد حاسس بية فى اغنية لمستك بس دخل علية صاحبة الرخم اووووووووى وضيع من احمد اللحظة الحلوة دى هشام:- اصحىىىىىىىىى احمد:- ايةةةةةةةة فى ايةةةةةةةة يا عم انت هشام:- فوق يا عمناااا شكلك كدا واخد جرعة حناااان شديدة عليك هههههههههههه احمد:- من اولها يلا ابداء بقى قر فى الموضوع علشان يبوظ قبل ما يبتدى هشام:- ياعم على اية انا اروح احسن احمد:- لالالالالا تروح مين تعالى نخرج كلنا وانا احكيلكوا اللى حصل هشام:- طيب يلا وخرجواااا احمد ومحمد وهشام فى الطريق كان احمد بيحكى الموضوع وهو طاير من الفرحة محمد:- احمد انت كدا عرفتها انك بتحبها وهى كمان على وشك تقولك انها كمان بتحبك احمد:- اةةةةةةة نفسى اسمعها منها بقى هشام:- ها تسمع وربنا ها تسمع احمد:- يووووووووووة انا مش قولت الواد دة بيطل قر فى الموضوع ها يخربة والله هههههههههههههههه وفضلوا طول الليل يضحكوا ويهزروا وتانى يوم فى الكلية داخل احمد الكلية وروحة المعنوية مرفوعة واول ما شاف ملك راح مطلع تيلفونة ومتصل عليها ملك:- الو احمد:- اجمل وارق كلمة الو ممكن اسمعها فى العالم دى شركة فودافون لو تعرفك ممكن تجيبك ترحبى بالعملاء وربنااااااا الشركة تكسب الضعف فى يومين ملك:- ههههههه انت كلامك حلو اوى بس مش شايف انة فى مجاملة ليا شوية احمد:- مجاملة لالالالالالالا دا وربنا الحقيقة انتى مش عارفة قيمة نفسك ولا اية دا انتى ملااك بس نازل وسطنا علشان الناس تدوب فية وفجاااااءة فى وسط الكلام شاف احمد مصطفى ابن خالت ملك رايح نحيتها طبعا احمد قفل السكة بسرعة علشان محدش يلاحظ حاجة احمد بيقول لنفسة ( يعنى كان لازم تيجى دلوقت انت كماااان مش وقتك خالص) وفضل احمد مستنى الواد يمشى بس مين ابدا دا شكلة كدا مشرف معانا لاخر النهار راح احمد على المدرج ودخل المحاضرة وبعد خمس دقايق دخلت ملك من باب المدرج وقعدت قصاد احمد وبداااءت المحاضرة طبعا احمد وملك مش مركزين مع الدكتور خااااااالص ومقضينها نظرات وابتسامات طبعا اصحاب احمد واخدين بالهم مين اللى بيحصل وكمان صاحبة ملك وكلهم متابعين الموقف وفجااااااءة اخد الدكتور بالة ان احمد مش معاااااااة نهائى راح باصص اوى ومكلم احمد الدكتور:- انت يا بنى انت احمد:- انا يا دكتور الدكتور:- ايوة انت انا كنت بقول اية احمد:- بتقول اية ؟؟؟؟؟ ووقف يفكر وقالة مش عارف يا دكتور الدكتور:- ماهو طبعا مش عارف لان مش مركز اتفضل اخرج برة احمد:- يا دكتور انا اسف الدكتور:- انا قولت بررررررررة اتفضل برة طبعا احمد بيبص على ملك وشايفها زعلانة علشانة احمد:- حاضر يا دكتور بعد اذنك وخرج احمد وقبل ما يطلع من الباب بص لحبيبتة اوى ونزل يقعد تحت خلصت المحاضرة ونزلت ملك ومعاها صاحبتها وطبعا صاحبنا قاعد على السلم مستنى عدت ملك علية من غير كلام لان كان مصطفى كمان مستنيها تحت وروحت معاااة وهو كمان روح مع اصحابة وبليل اتصل احمد بملك احمد:- اول ما السكة اتفتحت( وحشتينى ) ملك: يا سلام مانا لسة كنت معاك احمد:- انتى بتوحشينى وانتى معايا وقدام عنيا مش ها توحشينى بعد 6 ساعات دول عدوا عليا كانهم سنين طويلة وسكت احمد شوية وقال لملك احمد:- ملك عاوز اسمع منك بقى الكلمة اللى مستنيها ملك:- كلمة اية ( قال يعنى مش عارفة) احمد:- انتى عارفة يلا بقى نفسى اسمعها منك ملك:- لا مش دلوقت احمد:- امال امتى بس؟؟؟؟ طيب اقولك انا بحبك ملك:- هههههههه قول براحتك انت احمد:- وانتى يعنى مش بتعرفى تقوليها ملك:- لا مش بعرف اصلى عمرى ما قولتيها لحد احمد:- هو انا اى حد ولا اية ملك:- لا انت انت انت احمد:- انا ايةةةةةةة قولى ملك:- انت لازم تقفل دلوقت علشان محدش يسمعنى بقى احمد:- اقفل طيب مش قافل الا لما اسمعها ملك:- لالا مش هااقول احمد:- ها تقولى ومش هاامشى الا لو سمعتها ملك:- طيب ب....... احمد:- اية كملى ابوس ايديك ملك:- بحبك وقفلت السكة بسرعة اوى طبعاااااا احمد اول ما سمع الكلمة حس ان الدنيا كلها بتلف بية ورجلية مش قادرة تشيلة وقعد طول الليل يفكر نفسة باللى حصل وناااام على صوتها لكن حصل حاجة تااانى يووووووم ضايقت احمد جدااااااا يا ترررى اية نعرف بعدين بقى
موضوع: رد: قصة أحمد وملك (منقول) 2010-03-05, 23:55
الجزء الثامن
ازيكوا يا حلوين طبعااا انتوا مستنين تعرفوا اية اللى حصل وانا مش هااطول عليكوا كتير يلا نعرف بسرعة اية اللى ضايق احمد بعد ما كان فى منتهى السعادة يلااا لما احمد كلم ملك وسمع منها كلمة بحبك فى الليلة دى نااام على صوتها وهى بتقولها احساااس رهيب صحى تانى يوم وكان دة اخر يوم فى الاسبوع يعنى مش ها يشوف ملك الا الاسبوع الجاى لابس اجمل حاجة عندة وطبعا رتب نفسة انة النهاردة هاايروح يكلم ملك خلاص حورات التيلفون دى مش نافعة معايا انا بحبها وهى بتحبنى ولازم نكلم بعض وصل احمد الكلية ومستنى يشوف حبيبة قلبة لكن شااف حاجة غريبة شاف ملك واسماء قاعدين مع اتنين شباب اول مرة يشوفهم وبيضحكوااااا طبعا احمد اضايق اوووووى وعدى من قدام ملك وشكلة باين علية انة زعلان ومضايق قامت ملك ومشيت وراة لحد ما اقعد على السلم ودخلت قدامة وكانت دى اول مرة يفقوا سوووووا ملك:- مالك يا احمد شكلك زعلان لية احمد:- وانتى عاوزانى اشوفك واقفة مع واحد غريب واكون فرحان ملك:- بس دة ابن عمى والتانى اخو اسماء احمد:- ولو يا ملك بردة معدتش يحصل كدا تانى انتى مش عارفة اد اية انا بحبك واغير عليكى ملك :- للدرجادى يا احمد احمد:- واكتر من كدا ملك ملك:- نعم يا احمد بجد انا مش هاعمل كدا تانى طالما دة بيضايقك احمد:- بحبك ومش متخيل اى لحظة تانية تفوت من عمرى الا وانا معاكى انتى لو بعدتى عنى انا ممكن اموت ملك:- ياااااارب يا احمد نكون لبعضنا طول العمر
وبعد كداااااا بداء احمد وملك فى قصة حبهم بجد كل يووووووووم يعدى لازم يكونوا مع بعض كل مكاااااان بقى متعود كل يوم يشوف احمد........ وملك وفى يوم هشام صاحب احمد اتصل باحمد هشام:- انا بحضر لرحلة للاهرام والقلعة وكدا يوم حلو يعنى احمد:- طيب وانا اعمل اية يعنى هشام:- يااااعم كلم ملك وشوفها ويلا اطلعوا معايا احمد:- اة تصدق طيب انا هااكلمها وارد عليك بالليل واتصل احمد بملك احمد:- ملك اية رايك فى رحلة بيحضر لها هشام صاحبى اية رايك يا حبيبتى ملك:- انت بتسأل عن راىء اى مكان انت راضى عنة انا معاك فية يا حبيبى احمد:- هههههههه ماشى يا حبيبتى خلاص جهزى نفسك بقى
وفعلا اتصل احمد بهشام وقالة انة جى هو ملك ورتب نفسة على كدا
وجة يوم الرحلة
وركب احمد ومعاة ملك الاتوبيس لكن كان فى حد موووووووجود هغير طعم الرحلة
ياترى مين بقى ؟؟؟؟؟ حد عارف
الحلقة الى جااااية بقى وعليكوو خيرر
عدل سابقا من قبل Nody في 2010-03-06, 00:07 عدل 1 مرات
موضوع: رد: قصة أحمد وملك (منقول) 2010-03-05, 23:57
الجزء التاسع
من غير مقدماااااااات
ركبت ملك الاتوبيس وادول ما دخلت شااااااافت مييييييييييييين
مصطفى ابن خالتهااااا
وشكلة بااين علية كدا انة عرف حاجة من اللى بين احمد وبين ملك
مضايق وبيبص لاحمد نظرات غريبة اوى
ساعتها بعد ماكنت ملك فى منتهى السعادة شكلها اتغير واحمد حاسس طول الوقت انها مش على طبيعتها طول الطريق ساكتة مش بتقول كلمة
وكمان احمد مش عارف يكلم مين ويحكى لمين معااااة اصحابة بس اى حاجة فى الدنيا مش ها تغنى عن احن واعز قلب علية فى الدنيا وصل الاتوبيس ونزلواااا الشباب كلهم ونزل مصطفى ووراة ملك
ونزل احمد لوحدة وجة هشام يكلمة هشام:- اية يا احمد فى اية احمد:- مش عارف يا هشام مصطفى دة شكلة عرف حاجة انا خاايف اوى على ملك هشام:- انا والله كنت مكلم ناس كتير تجيب ركاب للرحلة معرفش مين جابة احمد:- عاادى يا هشام بس هو شكلة مش طبيعى هشام:- ربنا يعدى اليوم دة على خيررر ويستنى احمد اى فرصة ويتصل على تيلفون ملك بس تيلفونها مقفوول طول الوقت وكااااان فى مفاجاءة بقى فى انتظار ملك مصطفى :- اية يا بنت خالتى مالك مش مبسوطة ولا اية ملك:- لا والله عادى مصطفى:- اية ولا عاوزة احمد يكون فى ايديك علشان تفرحى ملك:- انت بتقوول اية احمد مين مصطفى :- انتى فااااااكرة انى مش عارف حاجة لالالالا تبقى غلطانة اوى انا عارف كل حاجة بينك وبين الواد دة ومش انا وبس لالا وامك كمان يا ملك وهى اللى صممت النهاردة بقى انى اخرج معاكى لانها مرديتش تمنعك وتعمل مشكلة علشان ابوكى ما يعرفش حاجة ملك:- (وطبعاادى اول مرة تتحط فى موقف زى دة) حالتها وحشة جدااااا واحمد طول الوقت ماشى لوحدة ومش عاوز يكلم حد ونزلت الرحلة ودخلوا الهرم وقعد احمد لوحدة بعيد شوية عنهم وبيقول لنفسة ( انا اية اللى خلانى اعمل كدا لو ملك جرالها حاجة انا مش هااسمح نفسى) وبيبص قدامة شاف مصطفى جى علية مصطفى:- اية يا ميدو قاعد لوحدك لية احمد:- لا مفيش اصلى مش واخد على الجو دة مصطفى :- اة واخد انت على جو الجناين والخضرة والزهور احمد:- تقصد اية يعنى مصطفى:- لو كنت فاكرنى عبيط او اهبل ومش عارف حاجة عن اللى بينك وبين بنت خالتى تبقى غلطان احمد:- يا مصطفى بلاش تقول كلام زى دة انا بحب ملك وهااجى اخطبها مصطفى :- تخطبها ههههههههههه ضحكتنى احمد :- تقصد اية يعنى مصطفى:- لا ولا حاجة المهم واللى عاوزك تعرفة انك لو ما بعدتش عنها مش ها يحصلك طيب انت فاهم انا بكلمك بالراحة علشان انا باقى ان انت فى يوم كنت صاحبى لكن بعد كدا انت حر بقى ومشى مصطفى وحس احمد انة مخنووووووق وفكر انة لازم يكلم ملك بس ازاى ما تيلفونها مقفول وكمان هااكلمها ازاى والواد دة معها يارب خليك معايا
وخلص يوم الرحلة
وروحت ملك بيتها وكان مصطفى لسة معاها لغاية ما دخلت البيت وفى البيت كان فى حاجة اكبر مستنية
والدة ملك قاعدة على نااار بعد اللى سمعتة
ام ملك:-اول ما ملك دخلت بتقولها انتى شرفتى ملك:- تقصدى اية يا امى والدتها:- اقصد اية انتى عارفة قصدى كويس وعارفة انا اقصد مين ملك:- انهارت طبعا من العياط ولدتها:- وليكى عين تعيطى كمان بعد اللى عملتية بتعرفى شباب يا ملك وكمان بتشوفية من وراناااا دا ابوكى لو عرف ممكن يدبحك فيها انا مصدقتش نفسى لما مصطفى قالى بقى بنتى اللى انا مربيها تعمل كدااااا طيب ازاى ملك:- احمد بيحبى وكمان ها يجى يخطبنى والدتها:- اخررررررسى وطبعا ضربتها قلم صااااروخ ليكى عين تردى عليا طبعا الملاك البرىء دة اعصابة ومشاعرة مش تتحمل حاجة زى دى وانهارت ملك فى العياط بجنون
طبعا حال احمد مش ها يفرق كتير عن حال حبيبتة
عمال بيفكر فيها وياترى عاملة اية انا السبب فى كل دة انا اللى عملت فيها كداااا ونزلت دموع احمد وكانة حاسس ان حبيبتة بتبكى دخلت فى الحظة دى ام احمد وكانت جايبالة العشااء شافتة والدة احمد:- احمد مالك يا حبيبى انت بتعيط احمد:- سكوووووووووت والدتة:- رد عليا يا بنى فى اية فى حد مزعلك . لكن احمد انتفتح اكتر فى العياط وامة بتحاول تفهم منة فى اية بقى احمد ابنها اللى مقضى حياتة ضحك لوحدة كدا بيعيط
حكى احمد لامة الموضوع لغاية اللحظة اللى فيهااا وطلب منها تكلم ابوة علشان يرحوا يخطبوا ملك من والدها ووعدتة امة انها تكلمة النهاردة لما يرجع استنى احمد على امل ان امة تكلم ابوة النهاردة بس لما ابوة رجع وبعد شوية سمع صوتة عالى من ابووة وبيزعق اوووووى
موضوع: رد: قصة أحمد وملك (منقول) 2010-03-05, 23:57
الجزء قبل الاخير ونكمل
احمد دلوقت فى حالة وحشة اوى وكل اللى بيدور فى دماغة يا ترى اية اللى بيحصل معاكى يا ملك اكيد زعلانة وبتبكى يااااااااااة لو اعرف اجيلك وابص عليكى وامسح كل دمعة فى عينك باااايدى ااااااةةةةةةةة لو الزمن يمشى زى مانا عاوز ويقربنى منك دلوقت وفجاااااااااة سمع احمد صوت ابوة بيزعق اوى وبيقول
لازم تشوفى حل لابنك دة يا اما مش هايحصل طيب انتى فاهمة والدة احمد:- هدى نفسك بس يا حاج انا هاافهمة كدا ارتاح انت
يااااااااااااااااااااااة
عاارفين الاحساس لما تكون راكب على مركب جميلة انت وحبيبتك ومرة واحدة المركب دى تغرق وشايف قدام عنيك حبيبك بتأخدة الامواج وانت بتحاول توصلة لكن بتجى موجة اعلى وتفصل بينكوااااااا ويختفى من قدامك.
بكى احمد بصوت عااالى وفتح باب بيتة وطلع يجرى على برة مش عارف يروح فين ولا لمين لاقى نفسة قدام بيت ملك قعد لوحدة تحت البيت مستنيها ولو تفتح الشباك ويطمئن عليهااااا فى الوقت دة .... كانت ام احمد بتحاول تقنع ابوة ان احمد بيحبها وخايف تضيع منة ولو بس يخطبها دلوقت وفعلا اقتنع بكلام ام احمد ولما رجع احمد البيت ابوة ندة علية والد احمد:- يا بنى انت عارف ان انت ابنى الوحيد وانا خايف عليك وعاوز مصلحتك الاول احمد:- يا بابا انا عارف بس كل اللى انا عاوزة من حضرتك تروح بس تكلم والد ملك علشان محدش يعمل لها مشاكل والد احمد:- انت بتحبها يا احمد للدرجة دى احمد:- بص فى الارض والد احمد :- اخد احمد فى حضنة اووووى وقالة اطمئن يا بنى خلاص هااعملك اللى انت عاوزة يااااااااااااااااااااااة احمد ردت فية الروح وكان نفسة يطير ويبلغ ملك بكلام ابوة لكن بردة لسة تيلفونها مقفول ومش بتيجى الكلية ولا احمد بيشوف اسمااااء حاول احمد يوصل لتيلفون اسماء واتصل بيها ....ودى المكالمة.... احمد:- الو اسماء اسماء:- مين بيتكلم احمد:- انا احمد يا اسماء بعد اذنك عاوز اشوفك ضرورى اسماء:- طيب يا احمد انا جاية بكرة الكلية وها تشوفنى هناك احمد:- متشكر يا اسماء اوى
وتانى يوم فى الكلية داخل احمد بيدور على اسماء زى المجنون شفها وجرى عليها واول سؤال كان ليها؟؟؟ فين ملك اسماء:- ملك حالتها وحشة اوى يا احمد ابوها اخد منها الموبايل ومش بتخرج من البيت حتى المحاضرات انا بوديها لها ومش ها تيجى الكلية لحد الامتحانات احمد:- طيب ازاى بس انا عاوز اقولها انى كلمت ابويا وموافق يجى يخطبها من ابوها اسماء:- اتأخرت يا احمد احمد:- اية بتقولى ايةةةةةةةة؟؟؟ اسماء:- ملك لها ابن عم كان مسافر ورجع من اسبوع وكلم والدة علشان يطلب ايد ملك من ابوها احمد::-- بتقولى اية يا اسماء انتى متأكدة من الكلام دة اسماء :-اة يا احمد احمد :- وملك انا عاوز اكلم ملك ضروورى اسماء:- طيب بص انا هااروح عندها النهاردة ولما ارن عليك تعرف ان احنا لوحدنا وكلمها احمد:- والدموع على طرف عنية ومش قادر ينطق حاضر يا اسماء حاضر ودخل احمد البيت ومش عارف يمسك دموعة امة لاحظة ان ابنها مخنوق والدة احمد:- مالك يا بنى احمد:- ملك يا امى فى واحد راح واتقدملها والدة:- لا متخفش انا هااخلى ابوك بكرة يروح لابوها احمد:-بجد يا امى بجد والدة احمد:- ايوة يااحمد بجد وفضل احمد حاطط التيلفون قدام عنية ومستنى ومررررة واااااااحدة رن موبايلة
دا رقم اسمااااااء اتصل احمد زى المجنون واول ما الخط اتفتح سمع صوت حبيتة نزلت دموعة على خدة ومش قادر ينطق ولا كلمة احمد:- ملك وحشتنيييييييى مش قادر اعيش من غيرك يا ملك ملك:- وانت كمان يا احمد انا بموت كل يوم نفسى اسمع صوتك بس هنا واخدين بالهم منى اوى ومش بيخلونى اخرج برة البيت حتى احمد:- بجد يا ملك فى حد جة وطلب ايديك من ابوكى ملك:- ااااة يا احمد عمى جة وكلم ابويا على ابنة بس انا استحالة اوافق يا احمد دا انا امووت لو كنت يوم لغيرك ونزلت دموع احمد........ودموع ملك احمد:- اطمنى يا ملك انا جاى بكرة انا والدى وهااطلب ايدك متخافيش ومفاجاءة اتقفلت السكة..... ياترى حصل اية وها يحصل اية؟؟؟؟؟؟ هتضيع ملك من احمد......ولا مش معقولة تنتهى قصتهم كدا معقولة تروح لغيرة...... معقولة الزمن يفصل بين قلبين حبوا بعض مستحيل .... على العموم دا بقى ها نعرفة فى الجزء الاخير من القصة
موضوع: رد: قصة أحمد وملك (منقول) 2010-03-05, 23:59
المشهد الاخير مع انى مش هاين عليااااا اسيبكواااا والله اهى اهى اهى"""" بس اعمل اية نصيبى كداااااا خلينا نشوف بقى اية اللى حصل دخل ابو ملك فجاءة عليهااا وكان بيسمع ملك من ورا الباب واخد منها الموبايل ورمااااااااة فى الارض وطبعا ضربها قلمين حلوين وعلى صوتة وقال انا مكنتش ناوى اوافق انك تتخطبى دلوقت مع ان عمك كلمنى علشان ابنة وقولت لما تخلص التعليم لكن دلوقت اقسم بالله لازم خطوبتك على ابن عمك تكون فى خلال الشهر دة!!!!!! طبعا ملك جتلها حالة غريبة ووقعت على الارض ومش بتنطق طبعا اسماء كانت موجودة فى المشهد دة ولما ملك فاقت سبيتها ونزلت واول ما خرجت فى الشارع بسرعة اتصلت على احمد وحكتلة كل الى حصل احمد كان ها يتجنن ودخل على ابوة احمد:- لو سمحت يا بابا يلا نروح لابو ملك دلوقت والدة:- ما ينفعش يا بنى لازم اخد ميعاد من الراجل الاول احمد:- علشان خاطرى يا بابا اتصل بعمى ويلا نروح دلوقت ضرورى واتصل احمد بصاحبة هشام وجة هشام بسرعة البرق وحكالة احمد على اللى حصل كلة وقعدوا يقنعوا ابو احمد لحد ماوافق وفعلاااااا رحوا احمد وابوة وعمة وهشام صاحبة على بيت ملك ونرن الجرس فتحت الباب والدة ملك سأل ابو احمد على والد ملك لو كان موجود وقالتلة والدة ملك انة موجود دخل ابو احمد وطبعااا الشاى جة الاول... وشربوا الشاى,,,, والد احمد:- والله يا استاذ شريف انا جى النهاردة علشان اطلب ايد بنت حضرتك لابنى احمد طبعا احمد بيدور بعنية فى الشقة كلها على ملك لحد ما لمحها واقفة على باب اوضتها والدموع فى عنيها وكانة عاوز يطمنها ويقولها اهو انا جيت امنع اى كلام ممكن يتقال عنك بس رد ابو ملك جة مفاجأءة ..... والد ملك:- والله حضرتك انا كان يشرفنى لكن بصراحة ملك ها تتخطب لابن عمها طبعاا ملك اول ما سمعت كدا اتصدمت وجريت جوة اوضتها حتى احمد الدموع مليت عنية وحس انة اتخنق ومش قادر يتكلم والد احمد:- والله انا احمد ابنى كلمنى على بنت حضرتك وانة شفها فى الكلية ومكنتش اعرف ان فى حد متكلم عليها بس احنا بنعتذر عن سوء التفاهم دة والد ملك:- لا والله انتوا شرفتونا واحمد دة زى ابنى وخرجوا وهما لسة على الباب وبعد ابو ملك ما قفل الباب احمد انفتح فى العياط ولما نزلوا تحت فضل يصرخ ويعلى فى صوتة احمد:- يعنى اية خلاص راااااااحت لالالالالالالا مستحيل اسيبها تضيع منى كدااااا هشام:- اهدى بس يا احمد احمد:- اهدى لحد امتى انت ماسمعتش ابوها قال مخطوبة لابن عمهاااا يعنى خلاص ملك راحت منى خلاااااااااص وكانت حالة احمد وحشة جدااااااااا وابوة وعمة بيهدوا فية وكمان هشام صاحبة اخدوة على البيت ودخل اوضتة ولا راضى يأكل ولا يشرب ولا يكلم حد حتى هشام اعز اصدقائة رفض يشوفة كان كل ذنبة انة اختار الانسانة اللى حس بيها وحبها ومستحيل يكون لغيرها وعنية اللى بتعبرعن مدى حزنها على فراق اجمل ما شافتة وبتتمنى تشوفة مر يوم واتنين على حال احمد دة راااااافض كل حاجة وكانة بيبع الحياة اللى معدتش تسوى حاجة من غير الانسانة اللى اختارها واتصل احمد باسماء وطلب منها تروح لملك دلوقت فورا وفعلا راحت اسماء لملك ورنت على احمد اتصل احمد بملك وقالها كلمتين بس عاوز اشوفك وقفل السكة قدرت اسماء تقنع والدة ملك انهم رايحين يزورا واحدة صاحبتهم تعبانة وخرجت ملك مع اسماء واتصلت اسماء باحمد وعرف هما فين واول ما شاف احمد ملك جرى عليها ومسك ايديها ونزلت دموع الاتنين وهو بيقولها عاوزين يبعدونا عن بعضنا عاوزين يحرمونى منك ردت ملك على احمد مستحيل يا احمد ابعد عنك مستحيل وقبل ما تكمل كلامها ..كانت المفاجاءة.. والدة ملك جت... بصت لاحمد اوى ومسكت ايد ملك وشدتها وقالت لاسماء انسى ان لكى صاحبة اسمها ملك تانى وقتها حس احمد ان ملك خلااااص راحت منة بس لسة مش قادر يسلم حبة بسهولة كدا فات اسبوعين ولا ومش عارف يوصل لاخبار ملك وفى يوم دخل هشام على احمدوشكلة حزين اوى ( عرف احمد ان هشام جى يقولة) هشام:- احمد شبكة ملك يوم الخميس وقف قلب احمد عن النبض ونزلت دموع عنية بس المرة دى الدموع بحرارة خلاااااااااص ضاعت منى خلاااص انتهت الحكاية وقام احمد يجرى وحضر شنطة سفر وخرج من باب البيت وجريت امة وراة لكن محدش قدر يمنعة سافر عند عمتة فى اسكندرية لكن يوم الخميس الصبح حس انة عاوز يودع ملك لاخر نفسة يشوفها ولو من بعيد حضر احمد نفسة وجهز شنطة سفر علشان يرجع يودع حبيتة
مكنش متخيل انة ها يجى يوم علية زى دة.. ومكنش متخيل انة فى يوم من الايام ها يعيش فى الاحساس دة
طول الطريق دموعة على عنية رافض يبص للناس وللدنيا
وكانة عاوز ينتقم من كل النااس بس اية العمل خلاااااص
دى فعلا نهاية الحكاية .. ولا ليها شكل تانى
وانتبة احمد على صوت فرامل العربية جامدة اوووووى
اتشلقب حال كل الركاب وانتهى بان العربية اللى راجع فها احمد
مرمية فى ترعة كبيرة على الطريق ناس كانت بتصرخ وناس بتموت من الخوف محدش كان دارى بحالة وانتهى الامر بيهم كلهم فى مستشفى
موضوع: قصة أحمد وملك (منقول) 
2010-03-05, 23:46
